სამშენებლო კომპანია მეტტა/Metta 2018 წელს შეიქმნა. კომპანიას საერთაშორისო გამოცდილების მქონე ახალგაზრდა პროფესიონალთა გუნდი ხელმძღვანელობს. გუნდის მთავარი მიზანია თანამედროვე და ინოვაციური მიდგომების დანერგვა სამშენებლო სფეროში. კომპანია აქტიური განვითარების ეტაპზეა და, შესაბამისად, ახალგაზრდა, მოტივირებულ და აქტიურ ადამიანებს საკუთარი შესაძლებლობების გამოვლენისა და განვითარების დიდ შესაძლებლობებს სთავაზობს.

კომპანიის შესახებ დამატებითი ინფორმაციისათვის ეწვიეთ ჩვენს ვებგვერდს www.metta.ge

მეტტა/Metta ეძებს გუნდის ახალ წევრს მთავარი ბუღალტრის თანაშემწის პოზიციაზე.

სამუშაო ადგილი: თბილისი, საირმის ქ.55

სამუშაო განაკვეთი: ორშაბათი-პარასკევი 10:00-18:00 სთ

ჩვენ გთავაზობთ: კოლეგიალურ, ურთიერთ პატივისცემაზე აშენებულ სამუშაო გარემოს,  დაკომპლექტებულს დარგის მოწინავე პროფესიონალებით, რომლებიც მზად არიან გააზიარონ ცოდნა და გამოცდილება.

ჩვენთან დაგხვდებათ პროფესიული განვითარების კარგი შესაძლებლობა, კონკურენტული ანაზღაურება და სარგებლის პაკეტი.

მთავარი ბუღალტრის თანაშემწე საქმიანობას ანხორციელებს მთავარი ბუღალტრის მეთვალყურეობის ქვეშ, მისი უშუალო ხელმძღვანელობით და მითითებით და მისი როლი განისაზღვრება სისტემაში ბუღალტრული გატარებების უზრუნველყოფით, ასევე პირველადი სააღრიცხვო დოკუმენტაციის კონტროლით კომპანიაში.

მთავარი ბუღალტრის თანაშემწის პასუხისმგებლობა და ძირითადი სამუშაო ფუნქციები მოიცავს, მაგრამ არ შემოიფარგლება შემდეგით:

ძირითადი მოვალეობები:

• საბუღალტრო სისტემაში ბუღალტერული გატარებების უზრუნველყოფა პირველადი დოკუმენტების საფუძველზე;
• პირველადი სააღრიცხვო დოკუმენტების კონტროლი და მონიტორინგი;
• დებიტორ-კრედიტორული ნაშთების კონტროლი, შედარების აქტების გაფორმება;
• საბანკო ოპერაციების შესრულება, სააღრიცხვო პროგრამაში გატარება და ნაშთების კონტროლი;
• შემოსავლების სამსახურის პორტალზე რეალიზაციის და ტრანსპორტირების დოკუმენტების გამოწერა/ატვირთვა;
• კომპანიის საჭიროებიდან გამომდინარე, სხვა საბუღალტრო / ფინანსური ოპერაციების /ტრანზაქციების შესრულება.

ძირითადი მოთხოვნები:

• უმაღლესი განათლება, სასურველია ეკონომიკის, ან ფინანსების მიმართულებით;
• ბუღალტრად მუშაობის მინიმუმ 2 წლიანი გამოცდილება;
• სამშენებლო სექტორის ფინანსურ გუნდში მუშაობის გამოცდილებას მიენიჭება უპირატესობა;
• სერტიფიცირებულ ნაფიც ბუღალტერთა საერთაშორისო ასოციაციის (ACCA) პროგრამის, ან მისი ქართული ანალოგის, ბაფის  პროფესიული  სერტიფიცირების პროგრამის სტუდენტებს მიენიჭებათ უპირატესობა
• Microsoft საოფისე პროგრამების საფუძვლიანი ცოდნა;
• სასურველია საქართველოში აპრობირებული საბუღალტრო პროგრამებთან (ORIS, 1C, Balance და სხვა) მუშაობის გამოცდილება.

გისურვებთ წარმატებას!

გთხოვთ, გაითვალისწინოთ, რომ ვაკანტურ პოზიციაზე განაცხადის შემოტანით, თქვენ აცხადებთ თანხმობას "მეტტა"-ს მიერ თქვენი პერსონალური მონაცემების დამუშავებაზე და/ან მათი იმ ორგანიზაციებისთვის გადაცემაზე, რომლებთანაც კომპანია თანამშრომლობს შესაბამისი ხელშეკრულებების საფუძველზე. პერსონალური მონაცემების დამუშავების მიზანია კანდიდატის შესაბამისობის დადგენა არსებულ/სამომავლო ვაკანსიის მოთხოვნებთან, დასაქმების თაობაზე გადაწყვეტილების მიღების მიზნით. თქვენ მიერ გამოგზავნილი რეზიუმე/განაცხადი შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე, ან დარეზერვებული იქნას სხვა, უფრო რელევანტური ვაკანსიისათვის. გამოგზავნილი რეზიუმე/განაცხადი შესაძლოა შენახულ იქნას 1 წლის განმავლობაში.