კომპანია "თერმო ცენტრი" 2001 წლიდან არსებობს ქართულ ბაზარზე. მის საქმიანობაში შედის მსოფლიოს სხვადასხვა ქვეყნებიდან ცენტრალური გათბობის, სანტექნიკის, წყალმომარაგებისა და კანალიზაციის სისტემების გასამართად საჭირო მასალების იმპორტი საქართველოში. ჩვენს ქსელში მომხმარებელს შეუძლია შეიძინოს გათბობის ქვაბები, რადიატორები, აბაზანის საშრობები, წყალგაყვანილობის და სანტექნიკის მონტაჟისთვის საჭირო ცივი და ცხელი წყლის პლასტმასის მილები და სხვა მოწყობილობები. კომპანიის მიზანი და წარმატების მთავარი ფაქტორი, ჩვენ მიერ შემოთავაზებული ხარისხიანი და ინოვაციური პროდუქციაა.

კომპანიის შესახებ დამატებითი ინფორმაციის მისაღებად ეწვიეთ ჩვენს ვებგვერდს შემდეგ მისამართზე: www.thermocenter.ge

შპს ,,თერმო ცენტრი“ აცხადებს ვაკანსიას პრომოუტერის პოზიციაზე.

სამუშაო ადგილი: ქ. თბილისი, თვალჭრელიძის #2 (ჰიპერმარკეტ დომინოს ფილიალი)

ანაზღაურება: 700 ლარი (ხელზე ასაღები) + ბონუსი.

ძირითადი ფუნქცია-მოვალეობები:

• ბრენდის ასორტიმენტის სრულყოფილი ცოდნა, როგორც თეორიული, ისე პრაქტიკული კუთხით;
• პროდუქტის ნიმუშების, კუპონების, საინფორმაციო ბროშურების ან სხვა წამახალისებელი აქტივობის დაგეგმვა გაყიდვების გასაზრდელად;

• პროდუქციის პრეზენტირება და მათი მახასიათებლების გაცნობა მომხმარებლის დასარწმუნებლად;
• მომხმარებლების მოთხოვნებისა და ინტერესების იდენტიფიცირება, მათთვის დამატებითი ინფორმაციის გაცნობის მიზნით;
• პროდუქციის შესახებ ინფორმაციის მომზადება მომხმარებლის სპეციფიკურობის მიხედვით.

საკვალიფიკაციო მოთხოვნები:

• მსგავს პოზიციაზე მუშაობის გამოცდილება;

პიროვნული თვისებები და უნარ-ჩვევები:

• დეტალებზე ორიენტირებულობა;
• ორგანიზებილობა;
• კომუნიკაბელურობა;
• თავაზიანობა;

დაინტერესების შემთხვევაში, გთხოვთ, გამოაგზავნოთ თქვენი რეზიუმე.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ" საქართველოს კანონის ფარგლებში შეაგროვოს, დაამუშავოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.

გისურვებთ წარმატებას!