მწვანე სკოლასთან არსებული ,,მწვანე ბაღი’’ აცხადებს ვაკანსიას ბაღების ქსელის დირექტორის პოზიციაზე.

მწვანე ბაღის მისიაა, პოზიტიური ქცევის განმტკიცების გზით, ხელი შეუწყოს ბავშვს გახდეს დამოუკიდებელი, ადაპტური, ჯანსაღი, ჰუმანური ღირებულების, კოგნიტური და სოციალურ- ემოციური უნარების მქონე ინდივიდი, რომელიც სოციუმში წარმატებით შეძლებს თავის დამკვიდრებას. ჩვენ გვჯერა, რომ ყველა ბავშვი განსაკუთრებული და მნიშვნელოვანია, რომ  ბავშვების ინდივიდუალურობის გათვალისწინებით შექმნილ უსაფრთხო და მეგობრულ გარემოში,  ცნობისმოყვარეობისა და კვლევა-ძიების პროცესის წახალისებით, ისინი ვითარდებიან და იღებენ პოზიტიურ გამოცდილებას.

ძირითადი ფუნქცია-მოვალეობები:

• მწვანე ბაღების ქსელის განვითარების სტრატეგიაზე მუშაობა;
• გრძელვადიანი გეგმების დასახვა და აღსრულების პროცესის მართვა;
• ქსელში არსებული პროცესების შესწავლა და ოპტიმიზაცია;
• სააღმზრდელო პროცესის დაგეგმვა და მიმდინარეობის მონიტორინგი;
• ფასწარმოქმნის საკითხებთან დაკავშირებით რეკომენდაციების შემუშავება და ბიუჯეტის შემუშავებაში თანამონაწილეობა;
• დანახარჯების ოპტიმიზაციაზე ზრუნვა;
• Სამუშაო პროცესის შეფასება და  სწორი ანალიზის გაკეთება;
• ანალიზის საფუძველზე ძლიერი მხარეების მიზეზ-შედეგობრივი კავშირების დადგენა და მათი განვითარების სტრატეგიის შემუშავება;
• პრობლემური მხარეების იდენტიფიცირება და მოგვარების გზების დასახვა;
• კომპანიაში დადგენილი სტანდარტების მიხედვით, პერიოდული ანგარიშგებების მომზადება/წარდგენა კომპანიის უმაღლესი მენეჯმენტისა და დამფუძნებლებისათვის;
• დაქვემდებარებული თანამშრომლების ფუნქცია-მოვალეობების განსაზღვრა და მათი ეფექტური გადანაწილება;
• დაქვემდებარებულ თანამშრომელთა კვალიფიკაციაზე ზრუნვა და ახალი თანამშრომლის აყვანის შემთხვევაში ადაპტაციის პროცესში ხელშეწყობა;
• საჭიროების შემთხვევაში, მშობლებთან კომუნიკაცია.

საკვალიფიკაციო მოთხოვნები:

• უმაღლესი განათლება, ბიზნესის ადმინისტრირების ან მომიჯნავე მიმართულებით;
• მაგისტრის ან დოქტორის ხარისხი;
• ხელმძღვანელ პოზიციაზე, მინიმუმ 5 წლიანი, მუშაობის გამოცდილება;
• გუნდის მართვის, მინიმუმ 5 წლიანი, გამოცდილება;
• ადრეული განათლების მიმართულებით მუშაობის გამოცდილება ჩაითვლება უპირატესობად;
• საგანმანათლებლო პროექტების მართვის გამოცდილება ჩაითვლება უპირატესობად;
• Საერთაშორისო გამოცდილება ჩაითვლება უპირატესობად.

საჭირო უნარ-ჩვევები:

• დაგეგმვისა და ორგანიზების უნარი;
• ანალიტიკური და კრიტიკული აზროვნების უნარი;
• პრობლემების იდენტიფიცირების და ანალიზის უნარი;
• შედეგზე ორიენტირების უნარი;
• გუნდის ფორმირების და მართვის უნარი;
• ზეპირად და წერილობით ეფექტურად კომუნიკაციის უნარი.
• ეფექტური მოლაპარაკების წარმოების, აზრის კონსტრუქციულად გამოხატვის უნარი;
• დროის ეფექტურად მართვის უნარი;
• გუნდურად და დამოუკიდებლად მუშაობის უნარი;
• საკუთარი გუნდის  მოტივირების უნარი.

ჩვენთან დაგხვდებათ:

• კომფორტული და პოზიტიური სამუშაო გარემო;
• მრავალმხრივი განვითარების შესაძლებლობა;
• პროფესიულ განვითარებაში ხელშეწყობა;
• გამოცდილი, განვითარებაზე ორიენტირებული და მეგობრული გუნდი;
• ხელმძღვანელისა და გუნდის წევრების მხარდაჭერა.

გთხოვთ, დაინტერესებულმა პირებმა გადმოაგზავნეთ თქვენი რეზიუმე და სამოტივაციო წერილი ელექტრონულ მისამართზე: vacancy@greenschool.org.ge  სათაურის ველში მიუთითეთ  პოზიციის დასახელება - ბაღების ქსელის დირექტორი.

სასურველი კანდიდატის შერჩევის შემთხვევაში, კონტრაქტის გაფორმების შემდეგ, არჩეულ აპლიკანტს დაერიცხება ერთჯერადი Sign Up ბონუსი 5 000 ლარის ოდენობით.

მწვანე სკოლა მადლობას გიხდით დაინტერესებისათვის!