შემომყვანი ტურისტული სააგენტო  „მიმინო კავკასიაში“  ეძებს კანდიდატს  ინგლისურენოვანი ტურ-მენეჯერის  პოზიციაზე.

კომპანია აქტიურად ოპერირებს ბაზარზე უკვე 12+ წელია და მომხმარებლებს სთავაზობს მრავალფეროვან ტურისტულ პაკეტებს, მათ შორის კომბინირებულ ტურებს კავკასიის რეგიონის მასშტაბით.

ძირითადი ფუნქცია-მოვალეობები:

• პარტნიორი კომპანიების წარმომადგენლებთან კომუნიკაცია, მათი პრეფერენციების იდენტიფიცირება და შესაბამისი პროდუქტების შეთავაზება;
• პარტნიორისგან მიღებული მოთხოვნის გაანალიზება, დამუშავება და ოპერატიული  საპასუხო კომუნიკაცია;
• მომსახურების ხარისხის კონტროლი - მომხმარებლებისგან უკუკავშირის მიღება და მომხმარებლის „ხმის“ გათვალისწინება; 
• ტურის ჩატარების პროცესში პარტნიორთან პროაქტიული კომუნიკაცია.
• საბაზრო მოთხოვნების შესაბამისად, ტურისტული პროდუქტების განახლება-გაუმჯობესების შესახებ ინიციატივის გამოჩენა;
• პოზიციის სპეციფიკასთან იდეალურად თავსებადი აპლიკანტი ასე წარმოგვიდგენია:
• საქართველოს გეოგრაფიის, ტურისტულად მიმზიდველი ადგილების ზედმიწევნით კარგად ცოდნა;
• სასურველია 1-2 წლიანი სამუშაო გამოცდილება შემომყვანი ტურიზმის მიმართულებით (გიდად, ტურ-მენეჯერად, პროდუქტის მენეჯერად);
• ინგლისური ენის მაღალ დონეზე ცოდნა (ვერბალური და წერილობითი);
• მიზანსწრაფული და შრომისმოყვარე;
• ემპათიური  და გულისხმიერი;

რას გთავაზობთ ჩვენ:

• კონკურენტუნარიანი ანაზღაურება, რომელიც ზრდადია ყოველწლიურად მიღწეული შედეგების მიხედვით;
• ჯანმრთელობის კორპორატიული დაზღვევა;
• ულიმიტო საკომუნიკაციო ხარჯები;
• შვებულების 28 დღე;
• სხვადასხვა სახის აქტივობები გუნდის შესაკავშირებლად;

სამუშაო დრო კვირაში 40 საათი, 5 სამუშაო დღე.

თუკი ეს ყველაფერი საინტერესოა თქვენთვის, თუკი თვლით, რომ თქვენი პერსონალური თვისებები და პროფესიული კვალიფიკაცია თავსებადია მოცემულ მოლოდინებთან, მოუთმენლად ველოდებით თქვენ შესახებ ინფორმაციას.

თქვენ მიერ გამოგზავნილი ინფორმაცია (CV/რეზიუმე/სააპლიკაციო ფორმა), "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ, მათ შორის, განსაკუთრებული კატეგორიის მონაცემებს. გაცნობებთ, რომ თქვენ მიერ გაზიარებული პერსონალური მონაცემების დამუშავება განხორციელდება შპს “ლაქი ვეის" მიერ (ს/ნ.: 400054114) საერთაშორისო სტანდარტებისა და მოქმედი კანონმდებლობის შესაბამისად. მონაცემთა დამუშავების მიზანია, დასაქმების მსურველი პირის არსებულ/სამომავლო ვაკანსიის მოთხოვნებთან შესაბამისობის დადგენა და შრომითი ურთიერთობის დამყარების შესახებ გადაწყვეტილების მიღება. თქვენ მიერ გამოგზავნილი ინფორმაცია შესაძლოა არ იქნას განხილული მიმდინარე ვაკანსიაზე ვაკანსიის მოთხოვნებიდან გამომდინარე ან/და დარეზერვდეს სხვა შესაფერისი ვაკანტური პოზიციისთვის. თქვენ მიერ გამოგზავნილი ინფორმაციის (CV/რეზიუმე/სააპლიკაციო ფორმა) შენახვის ვადა განისაზღვრება სამი წლით. ინფორმაციის (CV/რეზიუმე/სააპლიკაციო ფორმა) გაზიარებით თქვენ აცხადებთ თანხმობას ზემოაღნიშნულზე.

გისურვებთ წარმატებებს!