ფილიალის დირექტორი — თბილისი

მნიშვნელოვანია: ამ პოზიციისთვის ქართული და რუსული ენების თავისუფლად ფლობა სავალდებულოა. რუსული ენა საჭიროა ყაზახეთში მდებარე სათავო ოფისთან და კომპანიის გუნდთან ყოველდღიური სამუშაო კომუნიკაციისთვის. ინგლისური ენის ცოდნა უპირატესობად ჩაითვლება.

ძირითადი მოვალეობები

• საოპერაციო მიზნობრივი მაჩვენებლების მიღწევა, პროცესების ოპტიმიზაცია და მომხმარებლის გამოცდილების გაუმჯობესება.

• ფილიალის საოპერაციო საქმიანობის მართვა და კონტროლი, უსაფრთხოების, ხარისხისა და მდგრადი განვითარების სტანდარტების დაცვის უზრუნველყოფა.

• მერიასთან, პოლიციასა და სხვა შესაბამის სახელმწიფო უწყებებთან მჭიდრო თანამშრომლობა: კომპანიის ინტერესების წარმოდგენა შეხვედრებზე, მოქმედი რეგულაციებისა და მოთხოვნების დაცვის უზრუნველყოფა და გრძელვადიანი სამუშაო ურთიერთობების განვითარება.

• ფილიალის საოპერაციო საქმიანობასა და კომპანიის შიდა გუნდებს შორის ეფექტური თანამშრომლობის უზრუნველყოფა, მათ შორის ფინანსების, HR-ისა და სხვა ფუნქციური მიმართულებების გუნდებთან.

• საოპერაციო სტრატეგიის შემუშავება და განხორციელება, მათ შორის რესურსების დაგეგმვა და კონკურენტული გარემოს ანალიზი.

• თანამშრომლების შერჩევა, სწავლება, განვითარება და სამუშაო პროცესების კოორდინაცია ძლიერი, ერთიანი და შედეგზე ორიენტირებული გუნდის ჩამოსაყალიბებლად.

• მომხმარებელთა უსაფრთხოებისა და ელექტროსკუტერების უსაფრთხო ექსპლუატაციის მიმართულებით ინიციატივების დაგეგმვა და კოორდინაცია, უსაფრთხოების როგორც მთავარი პრიორიტეტის უზრუნველყოფით.

• პოზიტიური და მხარდამჭერი სამუშაო გარემოს შექმნა, გუნდის მოტივირება და მაღალი შედეგების მიღწევისკენ წახალისება.

ჩვენი მოლოდინები

• ქართული და რუსული ენების თავისუფლად ფლობა — სავალდებულო მოთხოვნაა. ინგლისური ენის ცოდნა უპირატესობად ჩაითვლება.

• საოპერაციო მართვის სფეროში მინიმუმ 4-წლიანი გამოცდილება; საერთაშორისო კომპანიაში მუშაობის გამოცდილება მნიშვნელოვანი უპირატესობა იქნება.

• ფინანსური ანგარიშგებისა და P&L-ის გაგება.

• KPI-ების ანალიზისა და მიზნობრივი შედეგების მისაღწევად პროცესების კორექტირების უნარი.

• საქართველოს ბაზრისა და ადგილობრივი ბიზნესგარემოს კარგი ცოდნა.

• გუნდის მართვის მინიმუმ 1-წლიანი გამოცდილება, მათ შორის თანამშრომლების შერჩევა, სწავლება და მოტივაცია.

• გაურკვევლობის პირობებში გადაწყვეტილებების დამოუკიდებლად მიღების უნარი.

• ძლიერი ანალიტიკური აზროვნება და მოთხოვნა-მიწოდების დინამიკის გაგება.

• Excel-ისა და/ან Google Sheets-ის მაღალ დონეზე ცოდნა.

• პრობლემების ეფექტურად გადაჭრისა და გადაწყვეტილებების მიღების ძლიერი უნარები.

• მონაცემებისა და სტრატეგიების სტრუქტურირებულად მომზადებისა და ხელმძღვანელობისთვის წარდგენის უნარი.

• ცნობისმოყვარეობა და მომხმარებელთა საჭიროებების სიღრმისეულად შესწავლის სურვილი.

• დეტალებისადმი ყურადღება და შედეგზე ორიენტირებულობა.

რას გთავაზობთ

• ანაზღაურება: თვეში 4 000–5 500 ლარი (ფიქსირებული ხელფასი + ბონუსი).

• სრული განაკვეთი, სხვა სამსახურთან შეთავსების გარეშე.

• სტაბილური და დროული ანაზღაურება; კანონმდებლობით გათვალისწინებულ გადასახადებსა და სავალდებულო შენატანებს კომპანია ფარავს.

• სრული მხარდაჭერა დასაქმების, ადაპტაციისა და შემდგომი მუშაობის ყველა ეტაპზე.

• პროფესიული, კარიერული და ფინანსური ზრდის შესაძლებლობა.