Crowne Plaza Borjomi

ვაკანსიის აღწერა

ქრაუნ პლაზა ბორჯომი აცხადებს ვაკანსიას იურისტის პოზიციაზე:

ადგილმდებარეობა: თბილისი

პოზიციის დასახელება: იურისტი

სამუშაო გრაფიკი: სრული

ფუნქცია მოვალეობები:

კომპანიის სრული იურიდიული მხარდაჭერა, მათ შორის:
კომპანიის საქმიანობის სამართლებრივი ექსპერტიზა, სამართლებრივი რისკების განსაზღვრა, არსებობის შემთხვევაში სამართლებრივი ხარვეზების აღმოფხვრა, შესაბამისი ანგარიშის/დასკვნის მომზადება სამომავლოდ სამართლებრივი ხარვეზების გამორიცხვის მიზნით;
კომპანიის საქმიანობიდან გამომდინარე, სხვადასხვა ტიპის ხელშეკრულებათა, მათ შორის საერთაშორისო ხელშეკრულებათა პროექტების ან/და სხვა დოკუმენტაციის მომზადება და სამართლებრივი ექსპერტიზა; ხელშეკრულების ან/და სხვა ტიპის დოკუმენტაციის მომზადების მიზანშეწონილობისა და სამართლებრივი რისკების არსებობის განსაზღვრა;
კომპანიის საქმიანობასთან დაკავშირებული საკანონმდებლო ცვლილებების კონტროლი და კომპანიის საქმიანობაში, შესაბამისი ცვლილებების ასახვის დაგეგმვა/კოორდინაცია;
კომპანიის საქმიანობასთან დაკავშირებული სამართლებრივი დოკუმენტაციის მომზადება როგორც ქართულ, ასევე რუსულ და ინგლისურ ენებზე;
კომპანიის სადამფუძნებლო დოკუმენტაციის მართვა, სადამფუძნებლო დოკუმენტაციის მომზადება, განახლება, კანონმდებლობასთან შესაბამისობაში მოყვანა და ა.შ.;
კომპანიის სტრუქტურაში არსებული სამსახურების, დეპარტამენტების და განყოფილებების თანამშრომლებისთვის კვალიფიციური ზეპირი ან/და წერილობითი იურიდიული კონსულტაციის გაწევა;
კომპანიის საქმიანობის სამართლებრივი უზრუნველყოფა, მისი უფლებებისა და ინტერესების დაცვა სასამართლოსა და ადმინისტრაციულ ორგანოებში;
ფიზიკური და იურიდიული პირების განცხადებების განხილვასა და კორესპონდენციების მომზადებაში მონაწილეობის მიღება;
წინასახელშეკრულებო მოლაპარაკებების წარმოება;
მიმართვების, წერილების, ასევე სხვა კორესპონდენციის მომზადება და იურიდიულად გამართვა;
სასამართლო და სააღსრულებლო წარმოების პროცესის მართვა და ზედამხედველობა;
ახალი სუბიექტების (მშ. კოპანიები) არსებული კანონმდებლობის შესაბამისად რეგისტრაცია;
შრომითი სამართლიდან გამომდინარე შრომითი ხელშეკრულებების გამართვა და მუდმივი მონიტორინგი.

საკვალიფიკაციო მოთხოვნები:

უმაღლესი იურიდიული განათლება (სასურველია მაგისტრის ხარისხი);
კორპორაციულ სამართლებრივ სფეროში და სამართლბრივ დოკუმენტაციასთან მუშაობის მინიმუმ 5 წლიანი გამოცდილება. ინგლისურ და რუსულ ენოვან დოკუმენტაციაზე მუშაობის გამოცდილება ჩაითვლება უპირატესობად;
სასამართლო წარმომადგენლობის გამოცდილება;
საქართველოს ადმინისტრაციული და სამოქალაქო კანონმდებლობის ცოდნა;
საოფისე კომპიუტერული პროგრამების მაღალ დონეზე ცოდნა;
ადვოკატთა ასოციაციის წევრობა (საერთო ან სამოქალაქო სპეციალიზაციით) ჩაითვლება უპირატესობად.

პიროვნული უნარ-ჩვევები და თვისებები:

აკადემიური წერის უნარი;
ანალიტიკური აზროვნება;
პუნქტუალურობა;
დეტალებზე ორიენტირებულობის უნარი;
დროის ეფექტურად მართვა და პრიორიტეტების სწორად გადანაწილების უნარი;
პრობლემის იდენტიფიკაციის და გადაჭრის უნარი;
გუნდური მუშაობის უნარი;
პასუხისმგებლობის მაღალი გრძნობა

დაინტერესებულმა კანდიდატებმა, გთხოვთ, გაგვიზიაროთ რეზიუმე/CV.

გაცნობებთ, რომ ჩვენს ვაკანსიაზე თქვენი მონაცემების გამოგზავნით, "პერსონალურ მონაცემთა დაცვის შესახებ" საქართველოს კანონის შესაბამისად, აცხადებთ თანხმობას რომ ჩვენ შეგვიძლია დავამუშაოთ თქვენი პერსონალური მონაცემები ვაკანსიასთან შესაბამისობის დადგენის მიზნით.

იურისტი

დეტალები

ვაკანსიის აღწერა