აჭარა ჯგუფი

ვაკანსიის აღწერა

ქარ Eng

ROOMS- ი სტუმარ-მასპინძლობის სფეროში საერთაშორისოდ ცნობილი ქართული ბრენდია და მსოფლიოს მასშტაბით არის ცნობილი მოგზაურთა სხვადასხვა სეგმენტზე გათვლილი ინოვაციური და დიზაინზე ორიენტირებული პორტფოლიოთი. ROOMS - ის ბრენდი აერთიანებს თანამედროვე და ტრადიციულ ქართულ ესთეტიკას, რომელიც მუდმივად ვითარდება და თავის სტუმარს გამორჩეულ, მათზე მორგებულ სერვისსა თუ გარემოს სთავაზობს.

ROOMS- ი აცხადებს ვაკანსიას ჯგუფური გაყიდვების სპეციალისტის პოზიციაზე

ძირითადი მოვალეობები:

სასტუმროს ინტერესების გათვალისწინებით შექმნას და მართოს საქმიანი ურთიერთობები არსებულ და ახალ ბიზნეს პარტნიორებთან;
შეძლოს ბიზნეს პარტნიორებთან წარმოქმნილი კონფლიქტური სიტუაციების განმუხტვა და დალაგება;
მოიძიოს ახალი ბიზნეს პარტნიორები;
იყოს პოზიტიური და სხარტი. განსაზღვრული ვადების გათვალისწინებით შეძლოს მჭიდრო გრაფიკში მოქნილად მუშაობა;
იყოს ჩართული გაყიდვების ახალი გეგმებისა და სტრატეგიების დანერგვაში;
კორპორატიული კლიენტებისა და ტურისტული სააგენტოებისათვის გააკეთოს ჯგუფური შეთავაზებები, რეზერვაციების სისტემებში შეიყვანოს ჯგუფური ჯავშნები და საჭიროების შემთხვევაში შეიტანოს ცვლილებების.
დეტალურად იცოდეს და შეისწავლოს კონკურენტთა პროდუქტი;
შეძლოს განსაზღვრული ინდივიდუალური სამუშაო გეგმის შესრულება (KPI);
გაითვალისწინოს სტუმრის მოთხოვნები და დროულად მიაწოდოს ინფორმაცია შესაბამისი დეპარტამენტის წარმომადგენელს, რათა უზრუნველყოს მოთხოვნების სწრაფად და ეფექტურად შესრულება;
მიაწოდოს სტუმარს სასტუმროს შესახებ არსებული ამომწურავი ინფორმაცია და ხელი შეუწყოს გაყიდვების ზრდას;
ფლობდეს ინფორმაციას კულტურულ ღონისძიებებსა და ქალაქის ღირსშესანიშნაობებზე;
იყოს კოლეგიალური და გუნდური მოთამაშე საერთო წარმატების მისაღწევად;

საჭირო უნარები:

სამუშაო გამოცდილება ანალოგიურ სფეროში ჩაითვლება უპირატესობად;
აუცილებელია ინგლისური ენის სრულყოფილად ცოდნა;
გუნდური მუშაობის უნარი;
კომუნიკაციის შესანიშნავი უნარი;
დეტალებზე ორიენტირებული;

დამატებითი სარგებელი:

პროფესიული განვითარება;
კონკურენტული ანაზღაურება;
ტრანსპორტირება ღამის საათებში;
დაზღვევა;
კვება;
სპეციალური ფასი თანამშრომლებისთვის.

დაინტერესებულმა პირებმა, გთხოვთ, გამოაგზავნოთ თქვენი რეზიუმე 1 სექტემბრამდე.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, "რუმს ჰოტელს ლაბი", მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად შეაგროვოს, დაამუშაოს და შეინახოს წარდგენილი ინფორმაცია (რეზიუმე) 3 (სამი) წლის ვადით, თქვენი დასაქმებისთვის საჭირო პროცედურების წარმართვის მიზნით.

ჯგუფური გაყიდვების სპეციალისტი

დეტალები

ვაკანსიის აღწერა