პოზიციის მიზანი

პოზიციის მიზანია გაყიდვების ისტორიის, სეზონურობის, პრომო აქტივობებისა და მიმდინარე ნაშთების ანალიზის საფუძველზე ზუსტი მოთხოვნის პროგნოზის შექმნა და მარაგების შევსების (replenishment) პროცესის მართვა.

შედეგად, პროდუქცია უნდა იყოს სწორ დროს, სწორ რაოდენობასა და სწორ ლოკაციაზე (საწყობი / მაღაზია) — Out of Stock-ისა და ჭარბი მარაგის ერთდროული მინიმიზაციით.

ძირითადი მოვალეობები და ფუნქციები:

• მოთხოვნის პროგნოზირება
• გაყიდვების ისტორიული მონაცემების, სეზონურობისა და ტრენდების ანალიზი; SKU / კატეგორიის / ლოკაციის დონეზე პროგნოზის ფორმირება და პერიოდული განახლება.
• პრომო აქტივობების, ახალი პროდუქტების და ასორტიმენტის ცვლილებების გათვალისწინება მოთხოვნის გეგმაში.
• მოთხოვნის გეგმის შესაბამისობაში მოყვანა გაყიდვების გეგმასთან; პროგნოზის სიზუსტისა და გადახრების ანალიზი.
• ყოველთვიური მოთხოვნა–მიწოდების (S&OP) შეხვედრებისთვის მასალების მომზადება.

მარაგების შევსება და შეკვეთები:

• როგორც ადგილობრივი, ისე საერთაშორისო შეკვეთების კალკულაცია, დროული და ზუსტი მომზადება.
• საერთაშორისო შეკვეთებზე: შეკვეთის წინადადების (რა, რამდენი, როდის) მომზადება და შეთანხმება იმპორტის მენეჯერთან. მომწოდებლებთან პირობები, საბაჟო და ტრანსპორტირება იმპორტის მენეჯერის პასუხისმგებლობაა.
• ოპტიმალური მარაგის პარამეტრების განსაზღვრა და განახლება (safety stock, min/max), დადასტურებული მიწოდების ვადების გათვალისწინებით.
• შეკვეთის მოცულობის, პერიოდულობისა და ლოგისტიკური ეფექტიანობის ოპტიმიზაცია, რაც გავლენას ახდენს პროდუქციის თვითღირებულებაზე.
• საწყობებსა და მაღაზიებს შორის განაწილებისა და გადანაწილების გეგმის კოორდინაცია ლოგისტიკასთან.

ნაშთების მართვა:

• ნაშთების ყოველთვიური რეპორტის წარმოება და ანალიზი, როგორც რაოდენობრივ, ისე ღირებულებით ჭრილში.
• Out of Stock-ის, ჭარბი, მოკლევადიანი, ნელბრუნვადი და არალიკვიდური მარაგების იდენტიფიცირება, რისკების შეფასება და რეალიზაციის რეკომენდაციების მომზადება. გადაწყვეტილებას ფასდაკლებისა და ჩამოწერის შესახებ იღებს კომერციული ფუნქცია.
• მარაგების ბრუნვადობის მონიტორინგი.

რეპორტინგი და პროცესები:

• დროული და ზუსტი რეპორტინგი კომერციული დირექტორისთვის: მარაგები, OOS, ბრუნვადობა, პროგნოზის სიზუსტე.
• დაგეგმვის პროცესების სტანდარტიზაცია და დოკუმენტირება.

თანამშრომლობა:

• ერთობლივი მუშაობა კომერციულ, გაყიდვების, ლოგისტიკისა და ფინანსების გუნდებთან, ასევე იმპორტის მენეჯერთან.

• სამიზნე მაჩვენებლები განისაზღვრება კომპანიის ამჟამინდელი ბაზისის მიხედვით; ქვემოთ მოცემულია KPI-ები და გაზომვის ლოგიკა.