კომპანია „ნუტრიმაქსი“ აცხადებს სტაჟირებას მარკეტინგის დეპარტამენტში.  

ნუტრიმაქსი 2009 წლიდან ოპერირებს საქართველოში და წარმოადგენს ცხოველთა კვების ინდუსტრიის ერთ-ერთ წამყვან კომპანიას. კომპანია აერთიანებს ორ მაღალტექნოლოგიურ საწარმოს, თანამედროვე ლაბორატორიებსა და საერთაშორისო სტანდარტებზე დაფუძნებულ წარმოების პროცესს.  

ნუტრიმაქსის პროდუქციის პორტფელი მოიცავს გადაწყვეტილებებს ფერმერული მეურნეობებისთვის, აკვაკულტურისა და კომპანიონი ცხოველების კვების მიმართულებით. კომპანიის პროდუქცია წარმოდგენილია როგორც საქართველოს, ისე ამიერკავკასიის, შუა აზიისა და აღმოსავლეთ ევროპის ბაზრებზე.   

2026 წლის მაისიდან ნუტრიმაქსი ფუნქციონირებს საზოგადოებრივი დაინტერესების პირის სტატუსით. ამავე პერიოდში კომპანიამ კაპიტალის ბაზარზე წარმატებით განახორციელა საჯარო ობლიგაციებისსადებიუტო ემისია.  

კომპანიის საქმიანობას ზედამხედველობს სამეთვალყურეო საბჭო, ხოლო მისი კორპორაციული მართვის სისტემა ეფუძნება გამჭვირვალობის, ანგარიშვალდებულებისა და გრძელვადიანი მდგრადი განვითარებისპრინციპებს.   

დამატებითი ინფორმაცია კომპანიის შესახებ: www.nutrimax.ge  

პოზიციაზე მივესალმებით დეტალებზე ორიენტირებულ, სწავლის მოტივაციისა და დროის ეფექტურად მართვის უნარების მქონე კანდიდატებს.

სტუდენტებს, რომლებსაც სურთ მარკეტინგის სხვადასხვა მიმართულებაზე პრაქტიკული გამოცდილების მიღება და AI ინსტრუმენტების გამოყენების უნარების გაძლიერება. 

• სამუშაო გრაფიკი - მოქნილი, სწავლასთან შეთავსებადი, ჰიბრიდული გრაფიკი.

• ანაზღაურება - განისაზღვრება სამუშაო დღეების რაოდენობის მიხედვით: 3 დღე - 500 ლარი; 4 დღე - 600 ლარი;

• დამატებითი ბენეფიტები - ტრანსპორტირება და კვება (ოფისში ყოფნის დღეებში).

დეტალური ინფორმაციისათვის და განაცხადის გასაკეთებლად, გთხოვთ ეწვიოთ შემდეგ ლინკს: https://nutrimax.selfrecruit.ge/s/ubCk1

გისურვებთ წარმატებას!