სასტუმრო "ოაზისი" მდებარეობს დაბა ჩაქვში, ბათუმიდან 9 კილომეტრში. ხუთვარსკვლავიანი სასტუმროს 4 შენობაში 340 ნომერია განთავსებული, რომელსაც ერთდროულად 1000-ზე მეტი დამსვენებლის მიღება შეუძლია. დახვეწილი დიზაინის ნომრებიდან შავი ზღვის ულამაზესი ხედი იშლება. სასტუმრო ნომრების ღირებულება განსხვავებულია. არის როგორც სტანდარტული, ასევე ლუქს ტიპის ნომრები, სუიტები, პენტჰაუსები და საპრეზიდენტო ლუქსები. კერძო სანაპირო ზოლი, 4 საცურაო აუზი, სათამაშო ზონა და მყუდრო გარემო ნამდვილ ოაზისს უქმნის სასტუმროს დამსვენებელს.