კიკეთის ფერმა თბილისიდან 25 კილომეტრის დაშორებით, ზღვის დონიდან 1 100 მეტრზე, 2022 წლიდან ქმნის ახალ ეკოსისტემას, სადაც ბუნება და კულტურული მემკვიდრეობა თანაარსებობს, სადაც ნებისმიერი ასაკისა და ინტერესის მქონე სტუმრისთვის ერთდროულადაა შესაძლებელი დასვენება, ფიზიკური და გონებრივი გაჯანსაღება, გართობა და შემეცნება, ქვეყნის ბიომრავალფეროვნების გაცნობა. კიკეთის ფერმის სარეკრეაციო მულტიფუნქციურ სივრცეში დღეისათვის ფუნქციონირებს: მარანი, თავლა, შემოქმედებითი სახელოსნო, აბანო, კაფე და რესტორანი, სასტუმროების კომპლექსი (მრავალფეროვანი ტიპის საცხოვრებელი ნომრებით), სხვადასხვა ზომისა და ხასიათის საღონისძიებო სივრცეები, გალერეა - საკონფერენციო სივრცე, სამუშაო სივრცეები და იოგა სახლი.